Здаецца, толькі пачаўся новы навучальны год, але вось ужо і закончылася 1 чвэрць 2024/2025 навучальнага года. Гэтыя два месяцы былі яркімі і прадуктыўнымі для навучэнцаў і педагогаў. 25 кастрычніка 2024 года прайшла ўрачыстая лінейка, прысвечаная заканчэнню 1 чвэрці, на якой былі ўручаны падзякі навучэнцам па выніках вучэбнай, спартыўнай, творчай і грамадскай дзейнасці.

Дырэктар школы  нагадаў навучэнцам правілы бяспечных паводзін у перыяд восеньскіх канікул на дарогах, на аб'ектах чыгуначнага транспарту, на вадаёмах, аб недапушчальнасці здзяйснення правапарушэнняў. Асаблівая ўвага звярталася на захаванне мер супрацьпажарнай бяспекі. Спадзяемся, што наступная чвэрць будзе не менш паспяховай і прадуктыўнай! Жадаем усім карысных і бяспечных восеньскіх канікул!