Вучні пачатковых класаў разам з педагогам-арганізатарам Паўловіч Вольгай Іванаўнай прынялі ўдзел у гульнявой праграме "Аўкцыён прафесій". У ходзе мерапрыемства навучэнцы па малюнках адгадвалі назвы прафесій, рашалі рэбусы, збіралі прыказкі і паспрабавалі сябе ў ролі ўрача, будаўніка, цырульніка.
У шосты школьны дзень адбыўся піянерскі збор "Гісторыя піянерскага гальштука" для 5-6 класаў. На гэтым мерапрыемстве піянеры падзяліліся гісторыямі, як прымалі ў піянеры іх бацькоў, якія у іх былі абавязкі. Было вельмі цікава і пазнавальна.
Цiкава i займальна адбылося мерапрыемства "Усе прафесii патрэбныя" сярод вучняў пачатковых класаў.
З мэтай азнаямлення з прафесіямі, якія можна атрымаць у школе, вучні 4 класа ў шосты школьны дзень( 18 лістапада) наведалі школьныя майстэрні.
Майстар вытворчага навучання Віктар Андрэевіч Бань падрабязна і займальна расказаў дзецям аб прафесіі, “Сталяр”, якую набываюць у бягучым навучальным годзе юнакі 10 і 11 класаў. Пачаткоўцы мелі магчымасць пазнаёміцца з працэсам работы 10 класнікаў у майстэрні, са станкамі і інструментамі, з выставай гатовых вырабаў.
У швейнай майстэрні вучні пазнаёміліся з прафесіяй “Швачка”. Майстар вытворчага навучання Кісель Галіна Сяргееўна расказала аб асаблівасцях атрымання прафесіі і яе запатрабаванасці на рынку працы. Замацавалі атрыманыя ў час экскурсіі веды праз удзел у віктарыне “Хто з чым працуе”, якую арганізавала класны кіраўнік Яраховіч Вольга Сямёнаўна.
У суботу 18 лістапада ў спартыўнай зале адбылося першынство школы па піянерболу сярод вучняў 5-7 класаў. Ва ўпартай барацьбе перамогу атрымалі вучні 5 класа.
раскрыть » / « свернуть