З мэтай папулярызацыі культурна-гістарычнай спадчыны, развіцця духоўна-маральных якасцяў, умацавання пачуцця патрыятызму і гонару да сваёй малой радзімы, выяўлення і падтрымкі таленавітых ва ўстанове адукацыі арганізавана выстава дэкаратыўна-прыкладнога мастацтва “Фантазіі палёт і рук тварэнне”.

    У арганізацыі выставы прынялі ўдзел вучні, настаўнікі, бацькі.У экспазіцыі можна ўбачыць работы розных напрамкаў: вышыўка, дэкупаж, батык, разьба па дрэве, арыгамі, жывапіс, выцінанка, алмазная мазаіка і інш. Усе прадстаўленыя работы цікавыя, арыгінальныя і непаўторныя. У кожнай з іх прасочваецца творчая індывідуальнасць, фантазія аўтараў. Выстава дае магчымасць раскрыць творчы патэнцыял удзельнікаў, дазваляе прадэманстраваць свае таленты. Творчага натхнення ўсім удзельнікам і новых работ!