Восень – гэта час правядзення кірмашоў. У рамках Тыдня бацькоўскай любові ў ДУА “Сярэдняя школа аг.Вулька-2” – суботні дзень, 14 кастрычніка, сустракаў “Восеньскі кірмаш” – свята ўраджаю і багацця.
У кірмашы актыўны ўдзел прынялі вучні разам з бацькамі, настаўнікамі. Акрамя кулінарных прысмакаў, была падрыхтавана святочная віншавальная праграма з песнямі, прыпеўкамі, спартыўнымі гульнямі, конкурсамі, якія правялі скамарохі, Баба Яга. Ва ўсіх удзельнікаў была магчымасць праявіць сваю кемлівасць, спрытнасць, моц, за што атрымалі свае ўзнагароды ў выглядзе салодкіх пачастункаў.
“Восеньскі кірмаш” прынёс шмат пазітыўных, яркіх, незабыўных уражанняў ад праведзенага свята. Дзякуем усім!!!