І днём, і ноччу, у сцюжу і спёку плачуць, не змаўкаюць званы Хатыні. Праз кожныя трыццаць хвілін – набат – адчайны крык-напамін загінуўшых землякоў у вогненным пекле вайны.
Хатынь – сімвал трагедыі ўсяго беларускага народа. Знак вечнай памяці і смутку.
Да Дня памяці ахвяр вёсак, спаленых у гады Вялікай Айчыннай вайны і 80 – годдзя Дня Хатынскай трагедыі ў першым класе праведзены ўрок Памяці “Званы Хатыні”, 11-кі паглядзелі і прынялі актыўны ўдзел у абмеркаванні д/фільма “Аб чым звоняць званы Хатыні”. У бібліятэцы арганізавана выстава выданняў “Трагедыя спаленых вёсак”.