10 лютага школу наведаў выпуснік 2020 года, цяпер курсант Ваеннай акадэміі Рэспублікі Беларусь, Ходзін Дзмітрый Рыгоравіч. Ён расказаў вучням, што, выбраўшы прафесію афіцэра, яны авалодваюць прэстыжнай і запатрабаванай спецыяльнасцю, якая дазволіць з упэўненасцю глядзець у будучыню. Дзмітрый расказаў юнакам і дзяўчатам пра ўмовы прыёму ў галоўную ВНУ краіны, пра жыццё ў казарме, пра тое, што ў ходзе навучання курсанты будуць знаходзіцца на поўным дзяржаўным забеспячэнні, а пасля атрымання вышэйшай адукацыі ім гарантавана працаўладкаванне, сацыяльныя гарантыі, магчымасць прафесійнага і кар’ернага росту.