На  “Восеньскі кірмаш” запрасілі ў  апошні дзень першай чвэрці вучні пачатковых класаў разам са сваімі настаўнікамі. Гэта было сапраўднае свята: гучалі беларускія народныя песні, танцавальныя мелодыі, прыпеўкі. Дзеці   з   задавальненнем бралі ўдзел у народных гульнях. Кожны падрыхтаваў салодкія прысмакі: піражкі,  пернікі, пячэнне, кексы і іншыя смачныя стравы.  Бацькі, класныя кіраўнікі і дзеці рэалізоўвалі сваю прадукцыю, спрабуючы абысці "саперніка". У гэты дзень у школе панавала прыемная атмасфера весялосці, добразычлівасці і радасці. "Восеньскі кірмаш" скончыўся, а  выдатны  настрой і зарад бадзёрасці застанецца надоўга