Я слаўлю мамы светлае імя-
Пяшчотнае, нібыта яблынь квецень.
Матулінага сэрца цеплыня
Нас сагравае лепш за ўсё на свеце.
Я слаўлю мамы светлую душу,
Якая разумее нас з паўслова
Я толькі маму памагчы прашу,
Калі жыццё паставіцца сурова.
Я слаўлю позірк маміных вачэй,
Якія бачаць , што нам невядома.
Даруйце боль праплаканых начэй,
Калі нас доўга не бывае дома.
Я слаўлю маму, бо яна - як Бог -
Усім прабачыць і усё даруе,
Яна для нас сабою ахвяруе,
Як аніхто пакуль яшчэ не змог.
М. Ляшчун
15 кастрычніка ў школе адбыўся святочны канцэрт прысвечаны Дню маці. Вучні разам са сваімі класнымі кіраўнікамі падрыхтавалі для сваіх дарагіх і любых матуль не толькі цёплыя словы ўдзячнасці, але і песні, танцы, інсцэніроўкі. У канцэртнай праграме прынялі ўдзел вучні 1-11 класаў. Свята прайшло на хвалі добрага настрою, у шчырай сардэчнай атмасферы.