Восень стартуе самым хвалюючым і ўрачыстым святам-Днём ведаў!

1 верасня ў ДУА" Сярэдняя школа аг. Вулька-2 " адбылася ўрачыстая лінейка, прысвечаная святу Першага званка.

Незабыўны гэты дзень для хлопчыкаў і дзяўчынак, якія ўпершыню пераступілі школьны парог. Дзеці з вялікім хваляваннем рыхтаваліся да школы, бо пачынаецца новы этап у іх жыцці. Яшчэ ўчора яны наведвалі дзіцячы сад, а сёння сталі першакласнікамі.

Дзень ведаў заўсёды быў сімвалам дабрыні і чысціні. Ён пачынае навучальны год і дае магчымасць акунуцца ў бязмежны акіян навукі. І хай 2022/2023 навучальны год прынясе шчасце і цудоўныя вынікі і навучэнцам, і іх настаўнікам. Віншуем усіх са святам і жадаем незабыўных уражанняў, новых адкрыццяў і высокіх дасягненняў!